Sa batalla de Omar Cabua est cumintzada dae 20 annos faghet contra a sos disacatos ambientales fatos dae sa Italcementi in su territoriu de Samatzai isparghendebi, arsenicu, cadmiu, piumbu, seleniu e ateros toscos in prus de 220miza tonellatas de iscartos de traballadura imbolados in sos campos tra Samatzai e Nuraminis.
Fiant tropu sos mortos de tumore in Samatzai e Nuraminis e Omar at ligadu deretu custas mortes foras de sas medias ufitziale a sa presntzia e a sos dannos ambientales de sa Italcementi. Mai cantas notes a debitu colare cuadu intro de note, in sa vetura o in foras, pro sighire su movimentu de sos mezos de carrigu, de su materiale chi garigaiant a sos camios e iscoperrere ue sos camios iscarrigaiant faghendelu poi isparghere dae ateros mezos mecanicos.
Su problema postu dae sas dennuntzias de Omar già dae su 2008 est bessidu a foras potente in su 2016 cando sos carabineris de s’istatzione de Nuraminis e su Noe ant cumintzadu a indagare in manera seria.
Omar aiat cunsignadu a sas autoridades prus de 120 fotografias ue su disacatu fiat craru e proadu.
Pro custa dennuntzia Omar si at inimicadu parte de sa bidda, maridos e figios traballaiant in sa Italcementi, e est istadu minetzadu 6 bortas e matzadu 3 bortas e pro evitare ateros dannos a debitu cambiare bidda.
Oje, totu ischimus chi Omar fiat faghende una batalla giusta e ne li damus onore e reconnoschentzia.
Su TAR, difatis, li at datu resone e a respintu su ricursu de sa fabrica de tzimentu e nessi in sa causa tzivile Omar at bintu e sa Italcementi debet bonificare totu su chi at luadu e usadu comente discarriga de materiales tosconosos.
Restat como su giuditziu penale e su tribunale de Casteddu, intro calicunu mese, at detzidere si cundennare o no, pro disastru ambientale, sos ex vertitzes de sa Italcementi.
Sa die de su protessu penale una delegatzione de Sardigna Natzione at essere presente pro dare solidariedade a Omar e pro faghere cumprendere a sos disacatadore chi in terra sarda non b’at ebbia gente chi si lassat recatare cun su postu de traballu ma bi at puru gente chi defendet sa terra sarda in cantu su bene prus pretziosu chi possedimus.