DUOS TERMINETOR IN SARDIGNA – prima BERLUSCA IMBOLIGOSU a pustis RENTZEDDU BARROSU, A CHIE SU VOTU SUITZIDA?
Sos duos terminetor de sa democratzia eletorale sunt benende in Colònia pro dare una manu a sos ammasedadores locales de sas gamas de sardos cramados a si faghere murghere su votu in nd’una mandra o in s’àtera, ambas angenas e tricolores.
Totu ischint chi sos duos terminetor de sa democratzia eletorale ant preparadu una lege chin sa cale si benas totu sos sardos diant votare a un’ùnicu partidu non diant elègere perunu deputadu lìberu.
Ne in su parlamentu europeu ne in cussu de s’istadu italianu sa Sardigna podet essere rapresentada dae sardos LIBEROS ma solu dae sardos LIBERTOS, sardos intzerachidos a su sistema polìticu italianu.
A chie de custos su VOTU SUITZIDA? Chie de sos sardos lìberos at a arrodare sa istrale de sos terminetor italianos pro che segare sa Sardigna dae su mundu? Chie at a acurtziare e ponnere paris sas banderas sardas suas a sas banderas italianas de sos terminetor e lis at a faghere cocodatzu?
Ant a podere sos sardos pellitas agiuare sos romanos, o so arborensos agiuare sos aragonesos, o sos angioianos agiuare sos piemontesos?. Nois pensamus de no!